Жошы хан туралы фильм түсіріліп, ескерткіш қойылатыны туралы ақпарат тарады, деп хабарлайды "Адырна" тілшісі Ұлысмедиаға сілтеп.
Жошы ұлысының 800 жылдығына орай Жошы туралы толықметражды көркем фильм және «Алтын Орда» тарихи сериалын түсіру мәселесін пысықталуда. Бұл туралы үкімет басшысы депутаттарға берген жауабында келтірген.
Алтын Орда тарихы мен Жошы хан туралы деректі және көркем фильмдер, сериалдар түсіру, монумент тұрғызу мәселелері аталған жоспар шеңберінде жалғасып жатыр.
Одан бөлек, Ғылым және жоғары білім министрлігі шетелдік, отандық архивтер мен кітапханаларда жаңадан анықталған дереккөздерді пайдалана отырып, «Қазақстанның ежелгі заманнан бүгінгі күнге дейінгі тарихы» атты жеті томдық академиялық басылым әзірлеп жатқанын мәлімдеді.
