Крокус Сити Холлдағы теракт ісі бойынша тағы бір айыпталушы күдікке ілінді, деп хабарлайды "Адырна" тілшісі.
Бұл туралы Мәскеу қалалық сотының баспасөз қызметі мәлімдеді.
Теракт ісі бойынша он екінші айыпталушы Джумохон Курбонов лаңкестерді байланыс пен ақшамен қамтамасыз етті деген күдікке ілініп отыр. Ол 20 жастағы Тәжікстанның тумасы.
«Тергеу деректері бойынша, Курбоновқа лаңкестік әрекетті дайындауға қаражат бөлу, оның ішінде қатысушыларды байланыс құралдарымен қамтамасыз ету және олар үшін жүйелі төлем жасау міндеті жүктелген» деп хабарлады Мәскеу қалалық сотының баспасөз қызметі.
