Бозымбаев су тасқынының салдарын жоюға қатысты тапсырма берді

640
Adyrna.kz Telegram
Фото: prememinister.kz
Фото: prememinister.kz

Премьер-министрдің орынбасары Қанат Бозымбаев бейінді министрліктерге екі күн мерзімде су тасқыны салдарынан жоғалған немесе бүлінген бірінші қажеттіліктегі мүлік үшін залалды өтеу алгоритмін әзірлеуді тапсырды. Бұл туралы 19 сәуір Үкіметтің баспасөз қызметі жариялады,  деп хабарлайды “Адырна” ұлттық порталы.

Мұндай мүліктің тізіміне не кіреді? Олар: тамақ сақтауға және дайындауға арналған заттар, тамақ ішуге және ұйықтауға арналған жиһаз заттары, азаматтарды ақпараттандыру құралдарының заттары, сумен жабдықтау және жылыту құралдары кіреді.

Бұл өтемақыны жергілікті атқарушы органдар бюджет және бюджеттен тыс қаражаттан қарастыратын болады.

Бұған дейін Үкімет су тасқынынан зардап шеккен азаматтар мемлекеттен қандай көмек күте алады деген Жадынама жариялаған болатын.

Бұдан басқа, Қанат Бозымбаевтың тапсырмасы бойынша екі күн ішінде үлкен судан зардап шеккен егістік жер иелері мен ауыл шаруашылығы тауарын өндірушілерге қаржылық көмек көрсету алгоритмі әзірленетін болады.

Пікірлер