Петропавлда қалаға кіре берістегі Пестрое көлінің жағалауын су басып қалды, деп хабарлайды "Адырна" тілшісі Tengrinews.kz-ке сілтеп.
Жол бойындағы су тұрғын үйлер мен коттедждерге қарай жылдам ағып, тұрғындарды эвакуациялау басталған.
«Су деңгейінің көтерілуіне байланысты, сондай-ақ жолдың арғы бетінен асып кету салдарынан Пестрое көлінің маңында орналасқан тұрғын үйлер мен саяжайларды су басу қаупі бар», - деп хабарлайды СҚО Төтенше жағдайлар департаментінің баспасөз қызметі.
Мұндай жағдай қала тарихында бірінші рет болып отырғаны айтылды.
