12 сәуірде Тәжікстан президенті Эмомали Рахмон Қазақстан Президенті Қасым-Жомарт Тоқаевпен телефон арқылы сөйлесті. Президенттер Қазақстанның бірқатар өңірлеріндегі көктемгі су тасқынына байланысты жағдайды талқылады, деп хабарлайды “Адырна” ұлттық порталы Тәжікстан президентінің баспасөзіне сілтеп.
Тәжікстан елінің басшысы еліміздегі ауқымды су тасқынына байланысты қолдау білдірді.
Ол Қазақстан үкіметінің табиғи апат салдарын оқшаулау және азайту бойынша қабылдап жатқан қажетті шаралардың тиімділігі мен маңыздылығын атап өтіп, олардың тез арада жойылатынына сенім білдірді.
Эмомали Рахмон Тәжікстан Республикасының Үкіметіне Қазақстанның зардап шеккен аудандарының халқына азық-түлік пен қажетті тауарлар түріндегі гуманитарлық көмек партиясын жіберуге шұғыл дайындалуды тапсырғанын атап өтті.
Мемлекет басшылары қазақ-тәжік ынтымақтастығына қатысты мәселелерді талқылап, екі ел арасындағы әртүрлі форматтағы тығыз өзара іс-қимылды жалғастыруға ниетті екендерін растады, делінген хабарламада.
