Қазақстандық ауыр атлеттер лицензиялық әлем кубогында жарыс жолын аяқтады, деп хабарлайды "Адырна" тілшісі.
Тәуелсіз Қазақстан тарихында ауыр атлеттеріміз алғаш рет Олимпиада ойындарына қатысу мүмкіндігінен тыс қалып отыр.
Таиландта өтіп жатқан біріншілікте бақ сынап жатқан спортшыларымыз арасынан жанкүйерлер 89 келі салмақта Сергей Петровичке сенім артқан. Алайда лицензиялық жарыста бапкерлер оны C тобында сынға қосты. Ал спортшы Петрович өзі бақ сынаған топта топ жарғанымен оның салмағындағы Олимпиада жолдамасының иегерлері А және В тобы арасындағы жеңімпаздар арасында анықталыпты.
Естеріңізге сала кетейік, елімізде осы уақытқа дейін Илья Ильин, Зульфия Чиншанло, Майя Манеза, Светлана Подобедова чемпион атанған. Бірақ спортшылардың допинг қолданғаны дәлелденіп, барлығы медальдарын ХОК-ке қайтарған.
Араға тағы 4 жыл салып Бразилияда чемпион атанған Ниджад Рахимов Рио Олимпиадасында допинг пайдаланғаны анықталып, медаль қайтарылды.
