Түркістанда бес балалы ана үшем босанды

1244
Adyrna.kz Telegram

Түркістан облысы, Бәйдібек ауданының 40 жастағы тұрғыны, көпбалалы ана Жансауле Доспанова үш ұлды дүниеге әкелді. Бұл туралы 4 сәуірде облыс әкімінің баспасөз қызметі жазды, деп хабарлайды «Адырна» тілшісі.

«Нәрестелердің салмағы – 1990, 1975 және 1728 грамм болды. Батыр анаға дәрігерлер кесарь тілігі арқылы ота жасап, босандырып алған. Қазіргі таңда мерзімінен бұрын туған сәбилердің жағдайы бірқалыпты»,—делінген хабарламада.

«Бәйдібектік батыр ана» бүгінде 8 баланың анасы атанып отыр. Үшемдерге туыстары Нариман, Нұриман және Нұрман есімдерін қойған. Келіншек үшем босанатынын алғаш естіген кезде қобалжығанын айтады.

Айта кетейік, биыл Түркістан облысының №2 перинаталдық орталығында 24 егіз бен 1 үшем дүниеге келген.

Пікірлер