Бишімбаев Нүкенованы өлім алдында қалай ұрғаны туралы өз нұсқасын баяндады

2248
Adyrna.kz Telegram

Салтанат Нүкенованы айуандықпен өлтірді деп айыпталған Қуандық Бишімбаев өзінің Нүкенованы өлер алдында қалай соққыға жыққаны туралы өз нұсқасын айтып берді, деп хабарлайды "Адырна" ұлттық порталы.

«Ол менің артымнан дөрекі сөздер айтты. Мен барып оны төрт рет шапалақпен ұрдым. Ол сол жерде жатты, орнынан тұрмады. Мен не болып жатқанын түсіне алмадым. Мені әдейі ашуландырғысы келді ме, ұқпадым. Оны жамбасынан бірнеше рет тепкіледім. Мен оның айтқан сөздеріне қатты ашуландым. Алдым да, шашынан көтердім», - деді Бишімбаев сотта жауап алу кезінде.

Осылайша Бишімбаев 9 қарашаға қараған түні болған оқиғаны айтып берді.

Ол таңертең оның бетінің бір бөлігінің ісінгенін байқағанын айтады. Бұл оны қатты «уайымдатқан». Бишімбаев көріпкелге телефон соғып, Салтанаттың оянбағанын, оның денесінде үлкен жарақат бар екенін айтты. Көріпкел «Салтанат шаршады, тек ұйықтау керек» деп жауап берді.

«Содан кейін жүрегім әйтеуір жеңілдеп қалды», - дейді Бишімбаев. Салтанаттың өзін жақсы сезінуі үшін көріпкелдің көмектесуін өтінген.

«Мен оның басынан ұрған жоқпын. Байжановқа аспирин мен кетонал әкелуге шақырдым. Оқиға осылай болды», - деді сотталушы.

Оның айтуынша, Салтанат жанжал кезінде басын дәретхана мен еденге соққан. Ол олардың кикілжіңі мен төбелесінің бейнебақылау камераларының әлеуметтік желілерге тарағанын қаламағандықтан, Бишімбаев барлық жазбаларды өшіруді сұрағанын да айтты.

Пікірлер