Қарағандыда су тасқыны салдарынан тұрғындарды эвакуациялауға пойыз бөлінді, деп хабарлайды "Адырна" ұлттық порталы.
Ұлттық тасымалдаушы су тасқынына байланысты Қарағанды облысының тұрғындарын эвакуациялап жатыр.
Қарағанды облысының Ақсу-Аюлы кентінде ауа райының нашарлауы мен қардың қарқынды еруі Шерубай-Нұра өзенінің шектен тыс толуы салдарынан «Екатеринбург-Алматы» тас жолының уақытша жабылуына әкелді. Осыған байланысты «Жолаушылар тасымалы» АҚ Қарағанды облысының тұрғындарын эвакуациялауды ұйымдастыруда, - делінген мәліметте.
Ең алғашқы №8801/8802 «Қарағанды-Балқаш-2» бағытында пойыз Қарағандыдан 30 наурыз күні сағат 14:53-те жөнелтілген.
Сондай-ақ келесі 1 рейске жолаушылар пойыздарына қосымша вагондар тағайындалған. «Қарағанды-Балқаш-2» бағытындағы №606 пойыз Қарағандыдан 30 наурызда сағат 19:40-та жөнелтіліп, 31 наурыз күні Балқашқа сағат 06:25-те келеді.
«Балқаш-2-Қарағанды» бағытындағы №605 пойыз 30 наурыз күні сағат 22:50-де Балқаштан жөнелтіліп, 31 наурыз күні сағат 8:20-да Қарағандыға келеді.
Қосымша вагондардың көмегімен су басқан аймақтардан 1200-ден астам тұрғынды тасымалдау мүмкін болған. Ал анықтамалық ақпарат алғысы келетіндер «1433» нөмірі бойынша хабарласа алады.
Еске сала кетейік, осыған дейін еліміздің 10 облысында су тасқынына байланысты төтенше жағдай жарияланғанын хабарлаған едік.
