Белгілі қаламгер Қуанбек Боқаев қайтыс болды, деп хабарлайды "Адырна" тілшісі.
Журналистің өмірден өткенін ақын Ұлықбек Есдәулет мәлімдеді.
"Үлкен-кішіге ілтипат-ізеті мен үлгі-өнегесі бірдей, кішіпейіл, үлкен жүректі жан еді. “Егемен Қазақстан”, ”Халық кеңесі” басылымдарында, “ҚазТАГ” ақпарат агенттігінде, Қазақ радиосында, “Қазақ әдебиеті” газетінде абыройлы қызмет істеп, қоғамдағы көкейкесті мәселелерді көтерген өткір мақалаларымен есімі танылған, ел руханиатына еңбегі сіңген журналист еді. Қазақстан Жазушылар одағы сыйлығының лауреаты атанған. Ақындығы мен сыншылық қырының өзі бір төбе болатын. Қаламдас ағамыздың алдынан жарылқасын", - деп марқұмның отбасына көңіл айтты.
Көпшілік ақынның жазбасына "Иманды болсын", "Жаны жәннатта болсын" деп қазаға көңіл айтуда.
