Батыс Қазақстан облысында қызамық дертінен төрт жасар қыз бала көз жұмды, деп хабарлайды "Адырна" тілшісі.
Облыстық Денсаулық сақтау басқармасының мамандары қызды аман алып қалу мүмкін болмағанын айтады.
"5 желтоқсан күні кешкі сағат 10-да түседі де, бес сағаттың ішінде жағдайы күрт нашарлап, жүрегі тоқтады. Қайтыс болғаннан кейінгі диагнозы – скарлатина. Өкпенің қабынуы, миокардит, жүректің миокард ісінуі. Қабынғанда сондай диагноз қойылды. Енді гистологтар гистологияға керек анализдерді, толық диагноз алды. Оның нәтижесіне бір жұмадай уақыт керек", – деді БҚО Денсаулық сақтау басқармасының басшысы Ерлан Тоқсанов.
Онымен бір балабақшаға барып жүрген тағы төрт бала қазір ауруханада. Оның біреуі жансақтау бөлімінде ем алып жатыр.
Аталған ауру көбінесе 2-10 жас аралығындағы балаларда кездеседі екен. Тасқала ауылындағы балалар арасында тіпті өршіген көрінеді.
Облыста жыл басынан бері бұл аурумен 780 адам ауырса, 347-сі ауруханада емделген. Олардың тек 21-і ересектер.
