Мирзиёев сотталған 334 адамға рақымшылық жасады

1021
Adyrna.kz Telegram
Сурет: smi24.kz
Сурет: smi24.kz

Өзбекстан президенті Шавкат Мирзиёев Конституция күніне орай түрмедегі 334 адамға рақымшылық жасады. Бұл туралы мемлекет басшысының баспасөз қызметі айтты, деп хабарлайды «Адырна» тілшісі.

«Шавкат Мирзиёев «Жазасын өтеп жатқан, жасаған іс-әрекетіне шын жүректен өкінген және кінәлі деп танылған бір топ адамға рақымшылық жасау туралы» Жарлыққа қол қойды. Оның негізінде 34 адам негізгі жазасын өтеуден толық босатылды. Ал 249 қылмыскер шартты түрде мерзімінен бұрын босатылса,
6 тұлғаның бас бостандығынан айыру жазасы жеңілірек жазамен ауыстырылды. Сондай-ақ 45 сотталушының бас бостандығынан айыру туралы жаза мерзімі қысқарды»,—делінген хабарламада.

Айта кетейік, рақымшылыққа ілінгендердің ішінде 18 шетелдік, 23 әйел, 60 жастан асқан 15 ер адам мен тыйым салынған ұйымдардың қызметіне қатысқан 88 адам бар.

Пікірлер