Прокурор Алматы халықаралық әуежайының бұрынғы президенті Айбол Бекмұхамбетовті 10 жылға соттауды сұрады, деп хабарлайды «Адырна» ұлттық порталы, BES.Media-ға сілтеме жасап.
«Алматы халықаралық әуежайының бұрынғы президенті Айбол Бекмұхамбетовке қатысты негізгі сот процесі аяқталды. Тергеу бес жылға жуық уақытқа созылды. Әуежайдың экс-президентімен бірге әуежайдың авиациялық жанар-жағармай қызметінің басшысы Қуаныш Тумышев айыпталуда. Оларға ҚР Қылмыстық кодексінің 189-бабының 4-бөлігінің 2-тармағы (бөтеннің сеніп тапсырылған мүлкін иемдену немесе ысырап ету) бойынша айып тағылуда.
Прокурордың айтуынша, қылмыстық қудалау кезінде мүліктің қылмыстық тегі туралы мәліметтер анықталмаған. Сотталушыларға мүлікті тәркілеу түріндегі қосымша жаза тағайындалмауды сұрады.
«Мені ақтауыңызды сұраймын, мұның ешқайсысы болған жоқ. Куәгерлер ештеңені растамайды. Тергеуші Щербаков мені азаптады, сондықтан мені ақтауыңызды сұраймын», - деді Бекмұхамбетов.
Іске бірнеше компания қатысты:
Тarlan Aero – халықаралық авиакомпаниялардың әуе кемелеріне қызмет көрсету бойынша коммерциялық қызметті жүзеге асырады, оның ішінде жеке «Украина халықаралық әуе жолдары» АҚ;
Aster Aviation Services – Тarlan Aero серіктесі, өзінің басқа серіктесі – дүние жүзіндегі жаһандық агент – World Fuel Service (WFS) компаниясымен әуе кемелеріне жанармай құю бойынша іс-шараларды жүзеге асырады.
Қорғаушы тарап бұл іс азаматтық сотта қаралуы керек деп есептей отырып, Лукашин өкінгеніне байланысты қылмыстық қудалаудан шеттетілгенін атап өтті. Оның адвокаты Инесса Киселева оны бүкіл тізбектің негізгі бенефициары деп атайды.
«Айыптаушы топтағы сотталушылар 1,25 миллион АҚШ долларын (шамамен 411,66 миллион теңге) жымқыру (сеніп тапсырылған мүлікті ұрлау) жасаған деп санайды», – делінген ақпаратта.
Сонымен бірге, зардап шеккен тарап – Алматы халықаралық әуежайы жаңа иелерімен бірге олардың еш зиян шекпегенін атап өтті.
«Қылмыстық іс бойынша келтірілген залал сотқа дейінгі тергеп-тексеру шеңберінде анықталғанын ескере отырып, бұл залал «Халықаралық Алматы әуежайы» АҚ балансында көрсетілмеген және қылмыстық іс бойынша сот үкімі заңды күшіне енгенге дейін көрсетілмейді», – делінген әуежайдың хабарламасында.
Бекмұхамбетов жұмыс істеген жылдары Алматы халықаралық әуежайын Қазақстанның экс-президенті Нұрсұлтан Назарбаевтың күйеу баласы Тимур Құлыбаев басқарған. 2020 жылы оның Venus Airport Investments B.V. әуе айлағын 415 миллион долларға түрік холдингі TAV Airports Holding-ке сатты.
«Адырна» ұлттық порталы
