Ташкентте танымал қазақстандық әнші Jah Khalib-тің концерті өткен «Хумо Арена» кешенінің жанында халық төбелесіп, тәртіпсіздіктер орын алды, деп хабарлайды “Адырна” ұлттық порталы
Ұлттық ұланның хабарлауынша, мыңнан астам азамат бұрын көрсетілген билетті қайта көрсеткендіктен концертке кіре алмаған. Қазір тергеу амалдары жүргізілуде.
25 қарашада Ташкенттегі Humo Arena кешенінде қазақстандық әнші Джах Халибтің концерті басталмас бұрын фан-зонаға кіре берісте төбелес болды. Әлеуметтік желіде мыңдаған адамның жиналған видеосы тарап кетті. Тағы бір бейнежазбада Өзбекстан ұлттық гвардиясының қызметкерлері келушілердің бірін алып бара жатқаны көрінеді.
Ұлттық ұланның Ташкент қалалық департаментінің мәліметінше, залға кіре берісте тәртіпсіздіктер орын алған.
«Осында қызмет ететін Ұлттық ұлан қызметкерлерімен қоғамдық тәртіпті бұзды деген күдікті азаматтар оқиға орнынан қауіпсіз аймаққа шығарылып, болуы мүмкін келеңсіз жағдайлардың алдын алды. Тәртіпсіздікке қатысты тергеу және зерттеу жүргізілуде... Ешкім зардап шеккен жоқ», - делінген ведомствоның 26 қарашаға қараған түні жарияланған алғашқы хабарламасында.
Кейін Ұлттық ұлан департаменті азаматтардың концертке 10 мыңнан астам электронды билет сатып алғанын хабарлады. Билеттерді сататын «iTicket» сайтының қызметкерлері арнайы сканер QR коды арқылы келушілердің билеттерін тексерді.
«Концерт залындағы орындардың барлығын алып қойғанымен, мыңнан астам азамат сыртта қалып, кептеліс жасап, кіруге әрекеттенді. Кіре берісте электронды билеттерді қайта-қайта көрсету фактілері анықталған. Әрине, мұндай билеті бар азаматтарды өткізуге болмайды», - делінген хабарламада
Ведомство бұл азаматтар ұсынған электронды билеттерді таныстарынан немесе басқа адамдардан сыйлық ретінде және сатып алғанын айтты. Ішкі істер департаментінің қызметкерлері кейбір азаматтардың жеке бас пайдасы үшін бір электронды билеттерді бірнеше рет сатқанын анықтады.
Қазір тергеу амалдары жүргізілуде. Мұндай заңсыз әрекеттерге барғандарға заң бойынша шара қолданылатын болады, деп хабарлады Ұлттық ұлан департаменті.
«Мұндай жағдайларды тек концерттік бағдарламаларда ғана емес, футбол матчтарына электронды билеттерді сату кезінде де байқауға болады. Құрметті отандастар, сізден және жақындарыңыздан электронды билеттерді тек ресми сайттар мен арнайы билет сату орындарынан сатып алуларыңызды сұраймыз», - деп атап өтті құқық қорғау органы.
