Тәжікстан Ресеймен бірлесіп, Аргус реакторын қалпына келтірмек

877
Adyrna.kz Telegram
Фото: avesta.tj
Фото: avesta.tj

Тәжікстанның Ұлттық ғылым академиясы (ҰҒА) Ресей ұлттық ғылыми орталығы “Курчатов институтымен” бірлесе отырып, «Аргус» ғылыми-зерттеу реакторының жұмысын қалпына келтіруді жоспарлап отыр. Бұл Тәжікстан президенті Эмомали Рахмонның Мәскеуге сапары барысында ҰҒА мен ғылыми орталық арасында жасалған келісімде қарастырылған, деп хабарлайды “Адырна” ұлттық порталы.

«Қол қойылған құжатқа сәйкес, тараптар табиғат, ядролық физика және ядролық технологиялар бойынша зерттеулер жүргізуге келісті. Олар тек бейбіт мақсатта, соның ішінде Аргус-ФТИ ғылыми-зерттеу реакторын қалпына келтіру үшін пайдаланылады», - деп хабарлады Тәжікстанның Ховар агенттігі NAS-қа сілтеме жасап.

Келісімде ғылыми конференциялар мен басқа да шараларды өткізу де қарастырылғаны атап өтілді. Құжат одан әрі ұзарту мүмкіндігімен бес жылға дейінгі мерзімге жасалады.

Пікірлер