Былтыр Екібастұздағы жылу электр орталығында болған апатқа қатысты сот үкімі шықты. Сот ЖЭО, «Екібастұзжылуэнерго» мен «Екібастұз жылу желілері» ЖШС басшыларына 2 жыл 6 айға бас бостандығын шектеу жазасын тағайындады, деп хабарлайды “Адырна” ұлттық порталы.
Екібастұздың осы аталған коммерциялық ұйымдарының басқару функцияларын орындаған сотталушылар 2022-2023 жылдардағы жылыту маусымына дайындық жұмыстарын толық қамтамасыз ету бойынша тиісті шараларды қолданбаған, — делінген соттың баспасөз хабарламасында.
Еске салайық, былтыр қарашада минус 25-30 градус қытымыр аязда Екібастұз қаласы тұтас жылусыз қалған еді. Жергілікті жылу электр станциясында құбырлар ажырап, бірнеше агрегат істен шыққан.
Жедел штаб құрылып, өңірде төтенше жағдай жарияланды. Жөңдеу жұмыстары 15 желтоқсанда бір-ақ аяқталған.
