Павлодарда жеті жастағы қызды іздеу жұмыстары жалғасып жатыр, деп хабарлайды "Адырна" тілшісі.
17 қарашадан бастап Павлодар облысында Бесқау ауылының тұрғыны жеті жасар Милана Давыдованы іздеу жұмыстары жүріп жатыр.
Милананың анасы екі күн бұрын қызының жоғалып кеткені туралы Екібастұз Полиция департаментіне хабарлаған.
Полицияның айтуынша, әйел үш баласымен демалыс күндері ауылдан 15 шақырым жерде шаруа қожалығында жұмыс істейтін күйеуіне баруды шешкен. Алайда жеті жасар Милана әкесіне барудан бас тартқан.Ол үйден шығып, қайта оралмаған.
Қызды іздеуге полиция қызметкерлері, құтқарушылар, ит өңдеушілер, еріктілер және жергілікті билік өкілдері қосылды. 320-дан астам адам қызды іздеуде. Одан бөлек 72 бірлік техника, оның ішінде тікұшақ та жұмылдырылған.
