Home » Айдарлар » Саясат » Қарағандыда Қосановтың қолдаушысын атып кетті

Қарағандыда Қосановтың қолдаушысын атып кетті

Қарағанды облысы, Жаңаарқа ауданында жергілікті қоғамдық белсенді Ғалы Бақтыбаевты атып кетті. Бұл туралы Фейсбук парақшасында Айсұлтан Жақыпов хабарлады.”

“Жаңаарқада Ғалы деген кісі бар еді. Жемқорлықпен күресетін, сотқа дейін баратын адамтын. Қосанов ағамыздың жарнамаларын іліп, жақсы жұмыс істеп жүрген. Сол кісіні түнде атып кетіпті.
Жемқорлар тықыр таянғанын сезіне бастады ма?
Марқұмның толық аты-жөні Бақтыбаев Ғалы Әдіұлы
Иманды болыңыз Ғалы аға!
Қаныңыз босқа төгілмейді. Уәде берем!” деп жазды Жақыпов.

Жұрттың айтуынша, Ғалыға алдында біреулер ескерту жасап, ұрып кетіпті. Ғалының өлімі сайлауға қатысты болмауы да мүмкін. Себебі ол кісі жемқорлармен күресіп, сотқа дейін барған. Талай парақор, жемқорды әшкерелеген. Солардан келуі де мүмкін дейді.

Ал, Қосановты қолдау үшін плакаттарын іліп, халықты үгіттеп, жүгіріп жүргені рас дейді жерлестері.

Қосановтың сайлау алды штабына хабарласқанымызда Ғалы Бақтыбаев ресми өкілі емес екенін айтты.

“Адырна” ұлттық порталы

 

 

Пікір жазу

Почта жарияланбайды. Таңдаулы өрісті толтырыңыз *

*

x

Check Also

Путин Қазақстанды қосып алмақшы ма?

ПУТИННІҢ «ҚАЗАҚСТАНМЕН КҮШ БІРІКТІРУІНІҢ» АСТАРЫНДА НЕ ЖАТЫР? Қазақстанның талантты азаматтарын Ресейге тартудың қажеттігі жоқ. Бұл ...