Алматы және Түркістан облысында террористік ұйымның жақтаушылары ұсталды. Бұл туралы жергілікті полиция департаменттері мәлімдеді, деп хабарлайды “Адырна” ұлттық порталы.
Ақпаратқа сәйкес, күдікке іліккен екі азамат Қазақстанда заңмен тыйым салынған «ДАИШ» және «Хизб-ут-Тахрир» ұйымдарын насихаттаған. Олардың үйлерін тінту кезінде діни әдебиеттер мен өзге де заттай дәлелдемелер тәркіленді.
Қылмыстық кодекстің 256-бабының 1-бөлігі “Терроризмдi насихаттау немесе терроризм актiсiн жасауға жария түрде шақыру” бойынша сотқа дейінгі тергеп-тексеру жүргізіліп жатыр. Тергеу уақытында ұсталғандарға қамауға алу түріндегі бұлтартпау шарасы таңдалды.
