Астанада Дүниежүзілік денсаулық сақтау ұйымының Еуропалық аймақтық комитетінің (ERC) 73-сессиясы барысында екі жылдық ынтымақтастық туралы келісімге қол қойылды, деп жазады "Адырна".
Денсаулық сақтау министрлігінің баспасөз қызметі қаржының не үшін жұмсалатынын түсіндірді:
- медициналық қызметкерлердің әлеуетін арттыру үшін халықаралық ұйымның сараптамалық, әдістемелік және техникалық қолдауын қамтамасыз ету;
- аналардың, жаңа туған нәрестелердің, балалар мен жасөспірімдердің денсаулығын сақтау;
- онкологиялық және басқа да жұқпалы емес аурулармен, АҚТҚ, ЖИТС, туберкулезбен күресу;
- медициналық кадрларды даярлау;
- халықпен ақпараттық жұмыс.
Қазақстан Республикасының Денсаулық сақтау министрі Ажар Гиният өткен екі оқиғаның – алғашқы медициналық-санитарлық көмек көрсету жөніндегі жаһандық конференцияның және ДДҰ Еуропалық аймақтық комитетінің 73-ші сессиясының ерекше маңыздылығын атап өтті, онда 80 мемлекеттің денсаулық сақтау министрлері, ДДҰ сарапшылары мен мамандары қатысты.
