2014 жылдан бері халықаралық іздеуде болған қазақстандық елге қайтарылды. Қазіргі кезде ол Астанадағы тергеу изоляторына қамалды. Бұл туралы Бас прокуратура мәлімдеді, деп хабарлайды “Адырна”.
Бас прокуратура Ішкі істер министрлігімен бірлесіп, Сыртқы істер министрлігінің көмегімен Түркия Республикасынан қылмыстық жауапкершілікке тарту үшін Қазақстан азаматын экстрадициялады.
Мәлімет бойынша, қылмыскер құрылыс компанияларына тиесілі 1 млрд теңгеге жуық, соның ішінде аурухана салуға арналған қаражатты ұрлады деген күдікке ілінген.
Аталған қылмыстық құқық бұзушылық үшін мүлікті тәркілей отырып, 5 жылдан 10 жылға дейін бас бостандығынан айыру жазасы қарастырылған - деп Бас прокуратураның ресми өкілі Дархан Дүйсембай хабарлайды.
