Мәжіліс депутаты Дәулет Тұрлыхановтың тағы бір ұлы әйелді ұрды деп айыпталды, деп хабарлайды "Адырна" порталы.
«Ешқандай таңғалатын дүние жоқ, жай Instagram желісінде бір әйел соққыға жығылғаны туралы видео жариялады. Иә, жағдайға кінәлі деп депутат Дәулет Тұрлыхановтың ортаншы ұлы қарастырылып отыр», - деп жазды журналист Михаил Козачков сәрсенбі күні өзінің Telegram-каналында тиісті видеоны жариялап.
Оқиғадағы кадрларды _eva._t Instagram қолданушысы орналастырған.
«Депутаттардың ұлдары әкесінің атын осылай қорлайды! Мынау Тұрлыханов Әкежан Дәулетұлы деген кісінің жолын бірде-бір қыз қимайды деп сенемін», - деп жазды әйел.
Ол сондай-ақ денесіндегі жарақаттар мен көгерген жерлерін көрсетті.
Еске салайық, бұған дейін Алматыда адвокат Анна Чернова мен оның күйеуі Олег Черновқа шабуыл жасалған болатын. Олар жас жігіттің қорлауында қалған қызды қорғамақ болған. Шабуыл жасаған адам депутат Тұрлыхановтың ұлы әскери қызметкер Нұрасыл Болат екені белгілі болды. Кейінірек парламентарий бұл ақпаратты журналистерге растады.
3 шілдеде Болат ұлының әскери бөлімнен қашып кеткені белгілі болды. Кейін бұл ақпаратты Қорғаныс министрлігі ресми түрде растады. 4 шілде күні таңертең қорғаныс ведомствосы Болатты әскери полиция қызметкерлері тауып, бөлімшеге жеткізгенін хабарлады.
Посмотреть эту публикацию в Instagram
