ءتىلسىز جاۋ القىمنان العان كەزدە ء"ورت ءسوندىرۋ كولىكتەرى كەشىگىپ كەلەدى" دەپ ءجيى سىنايمىز.
ايتسە دە ءبىز ماسەلەنىڭ سالدارىنا ءۇڭىلىپ، ناقتى سەبەبىنە نازار اۋدارمايمىز. شىن مانىسىندە توتەنشە جاعدايلار دەپارتامەنتى وزىنە قاجەتتى تەحنيكامەن تولىق قامتىلماعان. مىسالى قىزىلوردا وبلىسى تجد باستىعىنىڭ ورىنباسارى، پودپولكوۆنيك بەكبولات ابدىقادىروۆتىڭ ايتۋىنشا، وبلىستا 107 بىرلىك اۆتوكولىك بار. قاجەتتى تەحنيكامەن 47% جاراقتالعان وبلىستا نەگىزى 230 بىرلىك اۆتوكولىك بولۋى قاجەت. بۇل ايماقتا 123 ءورت ءسوندىرۋ تەحنيكاسى جەتىسپەيتىنىن اڭعارتادى.
«توتەنشە جاعدايلار دەپارتامەنتى «ءورت ءسوندىرۋ جانە اۆاريالىق – قۇتقارۋ جۇمىستارى قىزمەتى» مەملەكەتتىك مەكەمەسى وبلىستىڭ ەرەكشە جاعدايىنا بايلانىستى كەرەكتى تەحنيكالارمەن تولىققاندى جابدىقتالماعان.
وبلىس اۋماعىنداعى توتەنشە جاعدايلار كەزىندە بۋلدوزەر، ەكسكاۆاتور، اۆتوكران اۆتوموبيلدەرىنىڭ تاپشىلىعى سەزىلەدى. الايدا، جەرگىلىكتى اكىمدىكپەن بىرلەسىپ، قاجەتتىلىگىنە قاراي تەحنيكالاردى پايدالانامىز»، – دەيدى بەكبولات ابدىقادىروۆ.
رەسپۋبليكالىق بيۋدجەتتەن 2023 جىلعا 3 بىرلىك ءورت ءسوندىرۋ تەحنيكالارىن ساتىپ الۋعا 317 ملن. 500 مىڭ تەڭگە جانە جەرگىلىكتى بيۋدجەت ليزينگ قىزمەتتەرىنىڭ شەڭبەرىندە 14 بىرلىك ءورت ءسوندىرۋ تەحنيكالارىن ساتىپ الۋعا 1 ملرد. 895 ملن. 294 مىڭ تەڭگە قارجى جوسپارلانعان. قازىرگى تاڭدا 17 بىرلىك تەحنيكانى ساتىپ الۋ ءۇشىن ءتيىستى جۇمىستار جۇرگىزىلىپ جاتىر.
ايتسە دە وبلىستىق بەكبولات ابدىقادىروۆ رەسپۋبليكالىق جانە جەرگىلىكتى بيۋدجەت ەسەبىنەن ءبولىنىپ جاتقان قاراجات ماتەريالدىق-تەحنيكالىق بازانى جاقسارتۋعا جەتكىلىكسىز ەكەنىن ايتادى. مىسالى 2020 جىلى دەپارتامەنتتىڭ بيۋدجەتى 454 059,6 مىڭ تەڭگە، 2021 جىلى 459 989,1 مىڭ تەڭگە جانە وتكەن جىلى 592 410,3 مىڭ تەڭگە بولعان.
