Өзбекстан басшысы Шавкат Мирзияевтің үлкен қызы Саида Мирзияева президент көмекшісі қызметіне тағайындалды. Бұл туралы республика үкіметінің баспасөз қызметі жазды, деп хабарлайды «Адырна» тілшісі.
Тиісті қаулыға бүгін қол қойылды.
Саида Мирзияева 2019 жылдан 2022 жылға дейін президент әкімшілігі жанындағы Ақпарат және коммуникация агенттігі директорының орынбасары қызметін атқарды. 2022 жылдан бастап Ұлттық бұқаралық ақпарат құралдарын дамыту мен қолдау қорының қамқоршылар кеңесі төрағасының орынбасары болған еді.
Бір ай бұрын Азаттықтың Өзбек қызметі Өзбекстанда Шавкат Мирзияев билігі кезіндені непотизм туралы зерттеу жариялап, президент жиырмадан астам туысын лауазымы жоғары қызметтерге тағайындағанын жазған.
