Түркиядағы жол апатына қатысты ҚР Сыртқы істер министрлігінің ресми өкілі жерлестердің жайы туралы айтты, деп хабарлайды “Адырна” BAQ.KZ-ке сілтеме жасап.
ҚР Сыртқы істер министрлігінің ресми өкілі Айбек Смадияров:
«Өкінішке қарай, екі азаматымыз қаза тапты. Қазіргі таңда төрт азамат ауруханада ем алып жатыр. Өткен аптада бұрын қайтыс болған отандастырымыздың денелері Қазақстанға жеткізілді. Айта кететін жайт, барлық шығындар сақтандыру компаниясының есебінен жүріп жатыр. Туристер демалуға барған кезде өздерінің туристік полистерін мұқият қарап, осылай жасаған болатын. Сондықтан ешқандай қиыншылықтар туындаған жоқ. Қалған төрт адамның жанында туыстары бар, бірінің әпкесі, бірінің ағасы келді. Жақын арада тез сауығып кетеді деп ойлаймыз, - деді ресми өкіл Сыртқы істер министрлігінде БАҚ өкілдеріне арналған брифингте.
