Бас қаланың 25 жылдығына орай коллекциялық монеталар шығарылды, деп хабарлайды “Адырна” Ұлттық банктің баспасөз қызметіне сілтеме жасап.
Бүгін, 2023 жылдың 1 шілдесінде Қазақстан Ұлттық Банкі бас қаланың мерейтойына орай АСТАНА коллекциялық монеталарын айналысқа шығарады.
АСТАНА монеталары 25 мельхиор қорытпасынан жасалған. Салмағы 15 грамм, диаметрі 33 мм құрайтын теңгелердің номиналы 100 теңге. Ал таралымы 20 000 дананы құрайды.
Коллекциялық монеталар төлемнің барлық түріне жарамды. Республиканың барлық аумағында номиналды құны бойынша қабылданады әрі банктік шоттарға есептеуге және еліміздің барлық банктерінде аударуға, айырбастауға жарамды.
Монеталарды ағымдағы жылдың 3 шілдесінен бастап Қазақстан Ұлттық банкінің интернет-дүкені арқылы сатып алуға болады.
