Медеу аудандық №2 соты Алматы қаласы Спорт басқармасының экс-басшысы Рүстем Байсейітов пен оның қарамағындағыларға үкім шығарды. Олар 367 миллион теңгені жымқырғаны үшін айыпталып отыр, деп хабарлайды «Адырна» тілшісі.
Бұрынғы басшы Рүстем Байсейітов 4 жыл 6 айға бас бостандығынан айырылды.
Ол енді мемлекеттік қызметте лауазымды міндетті атқара алмайды.
Сондай-ақ Алматы қаласы Спорт басқармасының қаржы-шаруашылық басқармасының экс басшысы Әйгерім Байғонова 3 жыл 6 айға, «Қазақстан гольф федерациясы» ҮЕҰ спорт менеджері Әлия Смақова 3 жылға, «Qazaq Sport» ЖШС директоры Ержан Мұхаманов 7,5 жылға сотталды.
Айта кетейік, Спорт басқармасының бұрынғы басшысы сотта өз кінәсін толық мойындамады.