Алматыда 31 мамыр күні саяси қуғын-сүргін құрбандарын еске алу күніне арналған «Тарихқа тағзым» атты концерт өтеді. Іс-шараны ҚР Мәдениет және спорт министрлігінің қолдауымен Жамбыл атындағы Қазақ мемлекеттік филармониясы ұйымдастырып отыр.
Концертте Қазақстанның еңбек сіңірген әртісі Р. Стамғазиев, Қазақстанның еңбек сіңірген қайраткерлері С. Жанпейісова, А. Исатаева, Е. Шүкіманов, Н. Жанпейісов, Н. Әшіров, Б. Мықтыбаев, Қазақстанның мәдениет қайраткері М. Абуғазы, сондай-ақ мәдениет саласының үздіктері мен республикалық және халықаралық байқаулардың лауреаттары өнер көрсетеді.
Концерт «Сазген сазы» фольклорлы-этнографиялық ансамблінің сүйемелдеуімен өтеді.Концерттік бағдарламада саяси қуғын-сүргін құрбандарының әндері және тақырыпқа сай әндер орындалады.
Басты мақсат – ұлт қайраткерлерінің есімін ұлықтап, шығармаларын жан-жақты насихаттау болып табылады.
Өтетін орны: Жамбыл атындағы Қазақ мемлекеттік филармониясының Үлкен залы
