Ұлыбритания Грекияға британдық өнер дилері Робин Саймстың көне артефактілер топтамасынан 351 затты қайтарады. Бұл туралы BBC Грекияның мәдениет және спорт министрі Лина Мендониге сілтеме жасап жазды, деп хабарлайды “Адырна” ұлттық порталы.
Грекия 17 жыл бойы сот арқылы артефактілерді қайтарып алуға тырысты.
Робин Саймс топтамасында заңсыз қазба жұмыстары кезінде табылған мыңдаған көне өнер нысандары бар, олар әртүрлі елдерде сақталған. Афины Саймс антиквариат саудасымен айналысатын халықаралық қылмыс әлемінде басты рөл атқарды деп есептейді.
«Неолит дәуірінен ерте Византия дәуіріне дейінгі, әрі Robin Symes Limited компаниясының иелігінде болған мүсіндер, вазалар, зергерлік бұйымдар, ыдыс-аяқ және аксессуарларды Грекия мемлекеті қайтарып алды. Бұл - көп жылдық іс », - деді Грекияның Мәдениет министрлігі.
Ұлыбританиядан Грекияға Александр Македонскийдің қола мүсіні де қайтарылды. Сонымен қатар, олар 19 ғасырдың басында дипломат лорд Элгин Грекиядан алып кеткен және қазір Британ мұражайында тұрған Парфенон мүсінін қайтаруды талап етеді.
