Жамбыл облысында демалыс аймағынан өрт шықты

2613
Adyrna.kz Telegram
Фото: видеодан алынды
Фото: видеодан алынды

Жамбыл облысындағы Меркі ауданының Меркі ауылынан 14 шақырым қашықтықта орналасқан «Тұран» демалыс аймағы өртке оранды. Бұл туралы Жамбыл облыстық Төтенше жағдайлар департаменті баспасөз қызметі мәлімдеді, деп хабарлайды “Адырна” ұлттық порталы.

Өрт 20 мамыр күні сағат 21.56-да тұтанған.

Сол маңдағы ағаштан соғылған 4 ғимарат – әкімшілік ғимарат, дәмхана және екі қонақүйді жалын шарпыған. Оқиға орнында Төтенше жағдайлар департаментінің 37 қызметкері мен 12 техникасы жұмылдырылып, өртті сөндіріп жатыр.

Сағат 00.13-те жалынның таралуы тоқтатылды. Тілсіз жау шарпыған аумақтың көлемі анықталып жатыр.

Айта кетейік, жыл бойы қызмет көрсететін «Тұран» демалыс аймағы Қырғыз Алатауының баурайында, теңіз деңгейінен 750 метр биіктікте, Меркі шатқалында орналасқан.

Пікірлер