Журналистермен кездесуде Еңбек және халықты әлеуметтік қорғау министрі Тамара Дүйсенова қазақстандықтардың проактивті форматта жәрдемақы алуға кедергі келтіретін ақпараттық жүйелердегі қателер туралы сөз қозғады, деп хабарлайды "Адырна" порталы.
Министрдің айтуынша, жуырда бөлімшеге жәрдемақы тағайындау үшін бірде-бір СМС ала алмаған көп балалы ана жүгінген.
«Шынымен де, оның төрт баласы бар, оған жәрдемақы беру керек еді. Алайда АХАЖ құжаттары 2008 жылдан бері цифрландырылған болып шықты. Ал оның бір баласы 2005 жылы туған. АХАЖ бөліміндегі ақпараттық жүйе бойынша оның үш баласы бар. Ал төртінші бала туралы ақпарат қағаз жүзінде. Біз одан ХҚО-ға жүгінуін, өтініш жазуын сұрадық, содан кейін бұл баланы базаға қосамыз және ол жәрдемақы ала алады. Барлық ақпарат емес. Сол жылдардан бері жүйелер цифрланған, бұл жерде жүйеде осындай қателер кездеседі осындай қате бар», - деді Тамара Дүйсенова.
Оның айтуынша, бүгінде Цифрлық даму министрлігі сервистік қосымшалармен жұмыс істеп жатыр, оның көмегімен адам қажет болған жағдайда өзгертулер енгізу үшін өз деректерін екі рет тексере алады. Бұл кезеңде азамат Халыққа қызмет көрсеті орталықтарына жүгіне алады.
"Осындай кемшіліктер әлі де бар. Соған байланысты егер біреуге СМС-хабарлама келмесе немесе бірдеңе тағайындалмаса, Халыққа қызмет көрсету орталығына хабарласу қажет. Бұл мәселені үлкен мәселелерсіз шешуге болады", - деді ол.
"Адырна" ұлттық порталы
