Петропавлда 7 мамыр, жексенбі күні кешке ірі өрт шықты, - деп хабарлайды "Адырна" тілшісі Солтүстік Қазақстан облысының Төтенше жағдайлар департаментіне сілтеме жасап.
Жергілікті уақыт бойынша сағат 18:57-де Сенная база көшесі, 5-үйдегі ашық алаңда қамыс өртенді. Қатты желдің салдарынан өрт жақын маңдағы жеке тұрғын үйлерге тарады.
Өртті сөндіруге жедел бөлімшелердің жүзден астам қызметкері мен арнайы техника жұмылдырылды. Тұрғындарға психологиялық көмек көрсетілді. ТЖД базасында жедел штаб ұйымдастырылып, жедел желі ашылды: 55-10-10.52-27-25. Петропавлдағы No25 мектепте эвакуациялық орталық ұйымдастырылды.
Жергілікті тұрғындар оқиғаның видеосын әлеуметтік желіге жариялап жатыр.
"Үйлер өртеніп жатыр, техника уақытылы келмеуде. Адамдар жүгіріп, бәрін тастап жатыр", - дейді видео авторларының бірі.
Посмотреть эту публикацию в Instagram
Посмотреть эту публикацию в Instagram
