Қазақстанның дарынды оқушылары 24 күн бойы Қырымда болады. Олар халықаралық "Жанды классика" шығармашылық байқауының республикалық кезеңінде жеңімпаз атанып, "Артек" балалар лагеріне барады. Халықаралық балалар лагері Қырымның оңтүстік жағалауында орналасқан, деп хабарлайды "Адырна" ұлттық порталы.
Қазақстаннан іріктелген дарынды балалар Қырымдағы демалыс лагерінде 24 күн демалмақ. Русский дом-ның жазуынша, демалушылар қатарында Астана, Тараз, Шымкент қаласының оқушылары бар.
"Олардың қатарында Жамбыл облысының тумасы, 12 жастағы Федор Щербаков бар. Оның үлкен атасы, Анатолий Маркович Цигельман, өткен ғасырдың отызыншы жылдары "Артектің" басшысы болған. 1942 жылы Новороссийскіде ұрысқа қатысып, қаза тапқан", - деп ағынан жарылады Русский дом өкілдері.
"Артек" балалар лагері
Орайы келгенде айта кетейік, Қырым топырағында қақтығыстар әлі жалғасып жатыр. Фокустың хабарлауынша, бір күн бұрын Белбек әуежайының жаны мен Севастопольде де үлкен жарылыс болды.
"Адырна" ұлттық порталы
