Елімізде оқу жылын аяқтау және қорытынды емтихандарды өткізу мерзімі белгіленді. Бұл туралы Оқу-ағарту вице-министрі Шолпан Каринова айтты, деп хабарлайды «Адырна» тілшісі.
Құжатқа сәйкес, 2022-2023 оқу жылы барлық мектепте 31 мамырда аяқталады. 2-13 маусым аралығында 9 (10) сыныптар үшін қорытынды емтихандар ұйымдастырылса, 5-19 маусым күндері 11 (12) сынып оқушылары мемлекеттік емтихандарын тапсырады.
9 (10) сынып оқушыларының емтихан кестесі:
2 маусым – оқыту тілі бойынша жазбаша емтихан;
6 маусым – математика;
9 маусым – қазақ не орыс тілі;
13 маусым – таңдау пәні бойынша жазбаша емтихан.
11 (12) сынып оқушыларының емтихан кестесі:
5 маусым – оқыту тілі бойынша жазбаша емтихан;
8 маусым – алгебра және анализ бастамалары;
12 маусым – Қазақстан тарихы;
15 маусым – қазақ не орыс тілі;
19 маусым – таңдау пәні бойынша жазбаша емтихан.
