Ақмола облысында ер адамдар көшедегі итті сойып, етін жемек болған. Бұл туралы Ақмола облысының полицейлері Атбасарда жануарларға қатыгездік көрсету фактісін анықтады, деп хабарлайды “Адырна” ұлттық порталы.
7 сәуір күні Атбасар қаласында учаскелік полиция инспекторы жергілікті тұрғындардың итті сою фактісін анықтады. Түнде екі адам көшеде жүрген итті көріп, оны тамаққа пайдалану туралы шешім қабылдаған.
Арам пиғылын жүзеге асыру үшін олар жануарды пышақпен өлтіріп, етін мүшелеп, үйге алып кеткен. Ал қалған бөліктері оқиға орнында қалған.
Бұл факті Қылмыстық кодекстің 316-бабы 3-бөлігі (жануарларға қатыгездік) бойынша сотқа дейінгі тергеулердің бірыңғай тізілімінде тіркелді.
Тергеу барысында иттің сүйектері табылып, тәркіленді. Қала тұрғындары қылмыс жасағанын мойындады.
