Қазақстандық боксшы Геннадий Головкин WBA нұсқасы бойынша әлем чемпионы атағынан ресми түрде бас тартты, деп хабарлайды «Адырна» тілшісі.
40 жастағы спортшы кубалық Эрисланди Ларамен жекпе-жектің промоутерлік саудасына қатысуға келіспеді. Осылайша ол белбеуді бос қалдырды.
«Енді Геннадий Головкин WBA чемпиондық комитеті бекіткен міндетті айқасқа қатыспайды. Біздің нұсқамыз бойынша орта салмақта бір ғана чемпион бар, ол – кубалық Эрисланди Лара», - деді Дүниежүзілік бокс қауымдастығы.
