«Ауыл» партиясы ветеринария жүйесін жаңа цифрлық платформаға жедел ауыстыруды сұрайды

1099
Adyrna.kz Telegram

­

 Партия төрағасы А.Бектаев өз сөзінде мал шаруашылығын дамытуда, елдің азық-түлік қауіпсіздігін қамтамасыз етуде, ауыл шаруашылығының экспорттық әлеуетін арттыруда ветеринария жүйесінің маңыздылығын атап өтіп, партия мүшелерінің бұл іске белсенді қатысуына ерекше назар аударды. Ол сондай-ақ бүгінде бүкіл өркениетті әлем цифрлық технологиялар мүмкіндіктерін барынша пайдалана отырып дамып келе жатқанын атап өтті және партияның ауыл шаруашылығында, оның ішінде ветеринарияда цифрландырудың алдыңғы қатарында болуға деген ұмтылысын атап көрсетті. 

Шарада сөз сөйлеген ҚР Парламенті Мәжілісінің депутаттығына кандидат Рабиға Тоқсейітова мен Анас Баққожаев ветеринария жүйесін дамытуды, оны заманауи жұмыс әдістеріне ауыстыруды, ветеринарлық мамандар беделін арттыруды, оған жастардың келуі үшін жағдай жасауды жақтады. Аталған саланы цифрлық форматқа толық көшіру –ветеринариялық мамандық беделін арттырудың басты шарттарының бірі. Спикерлер партия ауыл тұрғындарының бас қорғаушысы ретінде ауыл мен ауыл шаруашылығы мәселесін шешу жолындағы күрестің басында болатынын айтып, шараға қатысушыларды «Ауыл» партиясына дауыс беруге шақырды.

Материалдың ақысы «Ауыл» ХДПП сайлау қоры қаражатынан төленді.

Пікірлер