Қазақстан Халық партиясы Арман Шораевтың үстінен Бас прокуратура мен ОСК-ға шағым түсірмекші. Бұл туралы төраға Ермұхамет Ертісбаев айтты, деп хабарлайды «Адырна» тілшісі.
«Біздің партияға шабуыл жалғасуда және оның беделін түсіруге әрекет жасалып жатыр. Бұл жолы мұндай шабуылды өзін-өзі ұсынған кандидаттардың бірі жасады. Ол әлеуметтік желідегі парақшасында «Осы сатқындарға дауыс бермеңдер» деген үндеу жариялады. Басқа жағдайларда бұл байқалмауы мүмкін. Бірақ бұл жолғы шабуыл белсенді сайлау науқаны кезінде бүкіл партияға қарсы жасалды және бізге деген сенімге нұқсан келтіруге бағытталғаны анық. Блогер Арман Шораев біздің партиямыздың ар-намысы мен қадір-қасиетіне нұқсан келтіретін жалған мәліметтерді жаппай таратумен айналысатыны туралы өзіне есеп беруі керек»,—деді ол.
Сондай-ақ Төраға қоғам белсенді өзінің арандатушылық әрекеттерімен еліміздің Конституциясын бұзып отырғанын атап өтті.
