«Навальный» фильмі үздік деректі фильм ретінде британдық BAFTA сыйлығын жеңіп алды

1966
Adyrna.kz Telegram
Фото: “Навальный” фильмінен алынды
Фото: “Навальный” фильмінен алынды

«Навальный» фильмі үздік деректі фильм ретінде британдық BAFTA сыйлығын жеңіп алды, деп хабарлайды “Адырна” ұлттық порталы.

19 ақпан күні Британдық кино және телевидение өнері академиясы марапаттарын табыс етті. Салтанатты шара британдық телевидение арқылы, сондай-ақ интернет қосымшасы арқылы бүкіл әлемге тікелей көрсетілді.

Дэниел Роердің «Навалный» фильмі саясаткердің улануы және әлеуетті орындаушыларға жалған атпен шақырулар туралы ең үздік деректі фильм деп танылды.

Канадалық режиссер Дэниел Роердің фильмі 2020 жылдың тамызында ресейлік оппозиционердің улануы, оның емделуі, комадан шығуы және саясаткердің өзінің улануының мән-жайын зерттеуі туралы баяндайды. Фильм Навальныйдың Ресейге оралуымен аяқталады. Ол сол жерде ұсталып, Ив Роше ісі бойынша сотталып, колонияға жіберіледі.

Айта кетейік, фильмнің тұсаукесері 2022 жылдың қаңтарында Sundance кинофестивалінде өтті, онда фильм көрермен сыйлығын жеңіп алған болатын. 2022 жылдың желтоқсанында фильм American Cinema Eye Honors байқауында екі марапатқа ие болды. Ол сондай-ақ 12 наурызда тапсырылатын Кинематография өнері және ғылым академиясының («Оскар») жүлделерінің қысқа тізіміне енді.

Пікірлер