Түркиядағы жер сілкінісінен кейін жоғалған Мирус Құрмашевтің тағы үш әріптесі байланысқа шықпай қалды. Олардың екеуі қазақстандықтар және бірі – Түркия азаматы. Бұл туралы Мағжан Мәдиев Instagram парақшасында жазды, деп хабарлайды “Адырна” ұлттық порталы.
«Мируспен бірге оның үш әріптесі де байланысқа шықпай қалды: Әділ Қадырбеков, Сабина Мамадиярова, Kubilay Keskin.
Егер бір ақпарат болса, +7(702)430-20-21 нөмеріне жазуларыңызды сұраймыз», - деп жазды Astana Hub Бас директоры Мағжан Мәдиев Instagram парақшасында.
ҚР Сыртқы істер министрлігінің ресми өкілі Айбек Смадияров хабарлағандай, оларды іздестіру жұмыстары жүріп жатыр.
Сонымен қатар Мағжан Мәдиев жоғалғандарды іздеу үшін Хатай қаласына өз бара жатыр. Astana Hub басшысы олардың орналасқан жері туралы бірнеше ілгек барын айтуда.
Еске салайық, Astana Hub технопаркінің халықаралық агенті Мирус Құрмашев Хатай қаласында жоғалып кетті. Жер сілкінісінен кейін Мираспен байланыс үзілген болатын.
