"Астана" телеарнасының хабарлауынша, әйел өз сәбиін сатып алатын екі адамды тауып, оларды өзара аукциондағыдай бәсекелестірген. Ақырында көбірек ақша ұсынғанға ойланбастан баласын ұстатып жіберген. Полиция департаменті мұндай ақпаратты растады.
Қазір бұған қатысты "Кәмелетке толмағандардың саудасы" бабымен іс қозғалған. Күдікті әзірше баласының жанында, бостандықта жүр.
"Қазіргі таңда 1991 жылы туған күдіктіге қатысты ҚР Қылмыстық кодексінің 135-бабы, 2-бөлігі, 2-тармағына сәйкес, тергеу амалдары жүргізіліп жатыр. Балаға және анасына сот-биологиялық сараптама тағайындалды. Сонымен бірге қазіргі таңда куәгерлерден жауаптар алынды. Өзге ақпапатты жария ете алмаймыз", - деді Атырау облысы полиция департаментінің баспасөз хатшысы Мейірім Ердәулет.
"Адырна" ұлттық порталы