Былтыр жеке тұлғалар елімізден шетелге 7 миллиардтай доллар аударған. "Астана" телеарнасы осылай дейді. Ұлттық банктің мәліметі бойынша, 2018 жылдың 11 айында жеке тұлғалар шетелдерге 7 млрдтай доллар аударған. Ал, келіп түсетіні 2 миллиардқа да жетпейді. Сыртқа жіберілетін ақша негізінен елімізде жұмыс істеп жүрген еңбек мигранттарының аударымдары. Капиталдың көп бөлігі дәлірек айтсақ, 61,3 пайызы Ресей, Түркия, АҚШ, Өзбекстан, Швейцария және Қытайға жіберіледі. Телеарнаның айтуынша, Швейцарияға ақша жіберушілердің 80 пайызы өздерінің есепшоттарына аударса, Өзбекстанға керісінше, қайтарымсыз төлемдер жасалады. "Қазір Қазақстанда 2 миллионнан астам еңбек мигранттары жұмыс істейді. Олардың бір миллионы бұл елде заңды түрде еңбек етіп жатса, тағы бір миллионы мұнда заңсыз жұмыс істейді", - дейді Мигранттар мәселелері бойынша халықаралық ұйымның үйлестірушісі Деян Кесерович.
Қазақстандықтар мен мигранттар шетелге 7 миллиард доллар аударған - Ұлттық банк
20.01.2019
2092
Басқа материалдар
Adyrna.kz ұлттық порталының маңызды ақпараттарына жазылу
Соңғы жаңалықтар туралы хабардар болыңыз