Астана қаласының прокуратурасы елорданың білім беру ұйымдарын тексеру барысында мұғалімдердің жалған дипломдармен жұмыс істеп келгенін анықтады, деп хабарлайды «Адырна» тілшісі.
«Жұмысқа орналасу кезінде 6 мектептің мұғалімі жалған дипломдарды ұсынып, қызметке кірген. Тексеру қорытындысымен Қылмыстық кодекстің 385-бабының 3-бөлігімен, яғни көрінеу жалған құжатты пайдалану бойынша сотқа дейінгі тергеп-тексеру басталды. Аталған тұлғалардың педагогикалық қызметі тоқтатылды»,—деп түсіндірді ведомство.
