Қайғылы жағдай! Маңғыстауда ер адам үш баласымен бірге асылып қалды

2463
Adyrna.kz Telegram
11 желтоқсан күні Маңғыстау облысы, Мұнайлы ауданында төрт адам өз өмірін қиды. Қайғылы қаза қалың қазақтың қабырғасын қайыстырды. Өмірмен қош айтысқан азаматтардың бойында асфиксия [тұншығу] белгілері байқалған. Өкінішке қарай, аса ауыр қайғылы хабарды "Адырна"  ұлттық порталы естіртеді. 

Полицияның мәліметінше, тергеу барысында 38 жастағы ер адам, сегіз жас, төрт жас және он айлық үш бала асылып өлгені анықталды.

Полиция департаментінің баспасөз қызметі марқұм әкенің әйеліне жолданған хаты табылғанын айтты. Хатта ер адам о дүниеге балаларын да өзімен бірге ала кетуге бел буғанын жазған.

"Бұл жағдайға отбасындағы жанжал себеп болған, ол әйелімен ажырасқалы жатқан. Ерлі-зайыптылардың екеуінің де тұрақты жұмыс орны болған", – делінген Полиция департаменті таратқан ақпартта.

Қазір Қазақстан Республикасы Қылмыстық кодексінің 99-бабының 2-бөлігі бойынша Мұнайлы ауданының полиция бөлімі сотқа дейінгі тергеп тексерудің назарға алынғанын хабарлады.

Барша Қазақ елінің азаматтарын сабыр тілеп, жақындарыңызға жанашыр болуға, бір-бірлеріңізге сыйластық көрсетуге шақырамыз!

"Адырна" ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket