ҚР сыртқы істер министрінің орынбасары Роман Василенко ресейлік саясаттанушы Дмитрий Дробницкийдің Қазақстан туралы резонанстық мәлімдемесіне жауап берді, деп хабарлайды “Адырна” ұлттық порталы.
«Әрине, мен ешқашан нацистік процеске тап болған емеспін, ол біздің елімізде жоқ та. Мұндай мәлімдемелерге қатысты айтарым - мемлекет басшысы да, СІМ басшылығы да, өзге басшылар да бұған дейін түрлі мәлімдеме естіді. Біріншіден, біз бұл Ресей Федерациясының ресми ұстанымы деп санамаймыз. Екіншіден, Қазақстан мен Ресей арасындағы дәстүрлі тығыз қарым-қатынастарға нұқсан келтіріліп отыр. Үшіншіден, федералды арналардың бірінде осындай позицияларды жарияланғандықтан Ресей Федерациясының билігі тиісті реакция көрсетуі керек»,- деді Василенко.
