Президент Қасым-Жомарт Тоқаев Алматы қаласының әкімі Ерболат Досаевқа қаланың орталығы мен шетіндегі теңсіздікті жоюды тапсырды, деп хабарлайды “Адырна” ұлттық порталы.
"Қала – бәріне ортақ. Сондықтан қаланың игіліктері де барлық тұрғынға бірдей қолжетімді болуға тиіс", - деді Тоқаев.
Айтуынша, шеткері аудандардың дамуы тым кенже қалып отыр.
"Әлеуметтік нысандар жетіспейді. Жұрт серуенге баратын саябақтар тапшы. Негізінен жер үйлер көп салынған. Тіпті, қыс айларында қара түтін қаптайды. Азаматтардың демалысын пайдалы өткізетін қоғамдық орындар аз. Көлік және инженерлік инфрақұрылым да жеткіліксіз", - деді президент.
Айта кетейік, бүгін Тоқаев Алматы қаласымен кездесу өткізуде.
