Қазақстанның еңбек сіңірген қайраткерлері Арыстанбек Мұхамедиұлының ісіне қатысты Тоқаевқа хат жолдады

2742

Ғылым, мәдениет және өнер қайраткерлері экс-Мәдениет министрі Арыстанбек Мұхамедиұлының ісін тергеуді бақылауға алуды сұрап, Қасым-Жомарт Тоқаевқа хат жолдады, деп хабарлайды “Адырна” ұлттық порталы.

Хат жолдағандардың ішінде медицина ғылымының докторы Төрегелді Шарманов, КСРО халық әртісі, Социалистік Еңбек Ері Бибігүл Төлегенова, Қазақстанның халық жазушылары Олжас Сүлейменов пен Мұхтар Шаханов, Мемлекеттік сыйлықтың лауреаты Сәбит Досанов, Халық әртісі Асанәлі Әшімов бар.

«Біз тек әділдіктің болғанын қалаймыз…Әділ Қазақстан баршаға, соның ішінде біздің көз алдымызда өскен А.Мұхамедиұлына да әділ болуы керек деп есептейміз. Ол кісінің арам ойы жоқ, жаны кең адам деп білеміз”, делінген Қазақстанның көрнекті қайраткерлерінің хатында.

Үндеу авторлары экс-министрдің елге сіңірген еңбегін тізіп, оның тек мәдениетті дамытуға ғана емес, спортта да үлес қосқанын атап көрсетеді. Сондай-ақ, хатта Мұхамедиұлының «Кинематография туралы» заңның қабылдануын қамтамасыз еткені, содан кейін сала үшін нақты ойын ережелері пайда болғаны, түптеп келгенде отандық фильмдердің сапасы мен бәсекеге қабілеттілігіне әсер еткені баса айтылады. Шілде айының бірінші жексенбісінде елімізде Домбыра күні аталып өтуіне де экс-министрдің еңбегі зор екен.

«Өзіңіз айтқандай, Әділ Қазақстанды құру енді ғана басталып жатыр. Алда тікенді жол күтіп тұр. Біз бірге Әділ Қазақстанды құрамыз. Қасиетті Отанымыздың жарқын болашағы шын мәнінде өз қолымызда!». – делінген үндеуде.

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket