Ғаламторда мобилизациядан қашып, қазақты паналамақ болған Парилов есімді әлеуметтік желі қолданушысының видеосы тарады. Автор өзінің Қазақстанға орныға алмай, басқа елге кетуіне қазақстандықтардың ықпал еткенін айтты. Бұл жайлы "Адырна" ұлттық порталы хабарлады.
"Сіздердің пікірлеріңізді көрдім. Билет алып, Қазақстаннан кетуге шешім қабылдадым. Сіздердің ар-ұяттарыңыз білсін", - деді желі қолданушысы.
Сонымен қатар, Парилов шетелге ұшпастан бұрын видео жүктеп, қазақстандықтардың өзінен кешірім сұрауын талап етті.
"Достар, мен ұшпай тұрып жақсы, жылы лебіз айтсаңыздар болар еді. Қоштасарда, тым құрыса, қоштасарда мейірім танытуға болады ғой", - деді автор.
Желі қолданушылары бір бөлігі автордың Қазақстанда транзиттік мерзімге аялдағанын айтса, енді бірі оның сапарына ақ жол тілеп, кеткеніне қуаныш білдіруде.
"Адырна" ұлттық порталы
