Лукашенко: Ресей қарулы күштері Беларусь жеріне келіп орналасады

1084

Жақында Ресей қарулы күштері Беларусь жеріне келіп орналасады. Бұл жайлы Президент Александр Лукашенко қауіпсіздік бойынша өткен кеңесте хабарлады, деп жазды "Адырна" ұлттық порталы белорусиялық "Белта" ақпараттық порталына сілтеме жасап. 

"Келетіндер анда-мында ағараңдаған аз-маз адам емес. Оларды жуық арада қабылдап алып, біздің жоспар бойынша белгіленген жерге орналастырыңдар. Жоспар әсіре сілтемей-ақ, шаш ал десе, бас алмай-ақ орнықты түрде жүргізілсін", - деді Лукашенко.

Сонымен қатар, Беларусь басшысы Ресей әскерін еліне әкелу бойынша Путинмен кеңесіп үлгергенін атап өтті. Қажет жағдайда өздерінің "соққы" жасауға дайын екендіктерін жеткізді.

Ресейлік "alldaily.ru" басылымы мұның себебін Владимир Зеленскидің жақында шұғыл кеңес өткізетінімен  байланыстырады. G7-мен бірлескен шұғыл кеңесте Зеленский Ресейге қарсы қарқын үдетіп, ел инфрақұрылымын қалпына келтіру мәселесін талқыламақ.

Мұнымен қоса, Лукашеншо өз елінің тұрғындарын уайымнан арылып, сарсаңға салынбауға үгіттеді. Оның сөзінше, қазіргі ахуалда бәрі жақсы, алаңдауға еш себеп жоқ.

"Адырна" ұлттық порталы

Пікірлер
Ұқсас жаңалықтар
Серіктестер/Партнеры
Студия IMA - создание сайтов Доставка цветов Астана - Lova Buket