БҚО-да Халықаралық «Атамекен» ән фестивалі өтеді

1119

Батыс Қазақстан облысы әкімдігі, Батыс Қазақстан облысының мәдениет, тілдерді дамыту және архив ісі басқармасының қолдауымен, облыстық халық шығармашылығы орталығының ұйымдастыруымен 2022 жылы қазан айының 4-6 күндері «Атамекен» өнер ордасында ХІІ Халықаралық «Атамекен» ән фестивалі өтеді.

Байқаудың мақсаты:

- Ескендір Хасанғалиевтың шығармашылығын, есімін ұлықтау, жас ұрпаққа насихаттау;
- Ұлтаралық мәдени байланыстарды кеңейту, ынтымақтастықты жандандыру;
- Ән әлеміндегі дарынды жастарды халыққа кеңінен танытып, олардың кәсіби шығармашылықтарын қолдау.

4 қазан сағат 18.00 – ХІІ Халықаралық «Атамекен» ән фестивалінің ашылуы және «Есіңе ал» Ескендір Хасанғалиевты еске алу концерті

5 қазан сағат 10.00 – ХІІ Халықаралық «Атамекен» фестивалінің І кезеңі
сағат 15.00 – Фестивальдің ІІ кезеңі

6 қазан сағат 16.00 – Гала концерт және жеңімпаздарды марапаттау.

ХІІ Халықаралық ән фестиваліне шетелден: Өзбекстан (Нүкіс қаласы) және Қытай елінен, республика аумағынан: Нұр-Сұлтан, Алматы, Қостанай, Қызылорда, Ақтөбе, Атырау, Маңғыстау, Жамбыл, Солтүстік Қазақстан, Оңтүстік Қазақстан, Шығыс Қазақстан, Ұлытау, Абай облысы және Орал қаласы, БҚО аудандарынан 25 үміткер қатысуға өтініш білдірді.

Байқау эстрада аталымы бойынша өткізіліп, қатысушылар Е.Хасанғалиевтың 2 әнін ұсынады (қазақ тілінде немесе басқа тілге аударылған).

Байқаудың қорытындысы бойынша жеңімпаздар арнайы диплом, статуэтка және ақшалай сыйлықтармен марапатталады.
Қазылар алқасының құрамында Ескендір Хасанғалиевтың ұлы, әнші-композитор Біржан Хасанғалиев, сонымен қатар БҚО өнер майталмандары, Ғ.Құрманғалиев атындағы облыстық филармониясының әншілері Марат Сарбөпеев және Жаскелең Ғайсағалиев, әнші-композитор Таңат Жексенбаев, сонымен қатар Алматы қаласынан IV халықаралық «Атамекен» ән байқауының Гран при иегері, киноактер, әнші Асхат Үрпеков.

«Облыстық халық шығармашылығы орталығы» МКҚК

Байланыс телефоны: 8 /711 2/23-60-08,28-00-27

Е-mail: ocnt-zko@mail.kz

Пікірлер
Редакция таңдауы
Серіктестер/Партнеры
Студия IMA - создание сайтов Доставка цветов Астана - Lova Buket